Christie’s աճուրդի տունը նոյեմբերի 10-11-ը Ժնևում կայացած վաճառքի ժամանակ իրացրել է լյուքս դասի ժամացույցներ՝ ռեկորդային 43.9 մլն դոլարով: Այս մասին ասվում է աճուրդի տան մամլո հաղորդագրությա ն մեջ:
Ընկերության տվյալով՝ նոյեմբերի 11-ին վաճառվել է 325 լոտ՝ ավելի քան 30 մլն դոլար արժողությամբ:
Ամենաթանկը եղել է Patek Philippe ապրանքանիշի ժամացույցը, որի կորպուսը վարդագույն ոսկուց էր: Այն արժեցել է 2.15 մլն դոլար:
Մեկ օր առաջ աճուրդի էին հանվել Rolex Daytona-ի Lesson One ժամացույցների 50 օրինակներ: Բոլոր լոտերը վաճառվել էին ընդհանուր առմամբ 13.2 մլն դոլարով:
