ԱՄՆ Պաշտպանության նախարարության Լոգիստիկ ապահովման վարչությունը չի կարողացել հաշվետվություն ներկայացնել 800 մլն դոլարը գերազանցող գումարի ծախսերի վերաբերյալ։ Այս մասին հայտնում է Politico-ն՝ հղում անելով աուդիտորական հաշվետվության արդյունքներին։
Համաձայն աուդիտորական ստուգման՝ վարչությունը 465 մլն դոլարի սխալ հաշվետվություն է ներկայացրել ԱՄՆ բանակի ինժեներային կորպուսի և պաշտպանական գերատեսչության այլ ստորաբաժանումների համար շինաշխատանքների անցկացման վերաբերյալ։
Նաև ոչ բոլոր փաստաթղթերն են առկա եղել 384 մլն դոլար արժողությամբ մի շարք շինարարական նախագծերի։
Ernst & Young-ի մասնագետները, ովքեր վերլուծել են 2016 ֆինանսական տարվա տեղեկությունները, հայտնաբերել են նաև այլ խախտումներ, մասնավորապես 100 մլն դոլարի համակարգչային սարքավորումների օգտագործման մասին տվյալների բացակայությունը։
Հունվարի սկզբին ֆինանսական հարցերով պաշտպանության փոխնախարար Դևիդ Նորքուիսթը հայտնել էր 2018 ֆինանսական տարում գերատեսչությունում առաջին զանգվածային ֆինանսական ստուգումն անցկացնելու և արդեն ի հայտ բերված խնդիրները վերացնելու համար 1 մլրդ դոլար ծախսելու մտադրության մասին։
