Այսօր Թուրքիայի Ստամբուլ քաղաքում կայանալիք հանդիպմանը Սիրիայի ազգային կոալիցիան կքննարկի սիրիական ճգնաժամի հարցով «Ժնև-2» միջազգային համաժողովին մասնակցելու հարցը: Այս մասին հաղորդում է Agence France-Presse-ը` վկայակոչելով ընդդիմության ներկայացուցչի հայտարարությունը:
Դեռևս պարզ չէ՝ արդյոք սիրիացի ընդդիմադիրները կմասնակցե՞ն համաժողովին: Ավելի վաղ Սիրիայի ընդդիմադիր և հեղափոխական ուժերի ազգային կոալիցիան հայտարարել էր, որ իր պատվիրակությունը չի մասնակցի «Ժնև-2»-ին, եթե վերջինիս նպատակը չլինի Սիրիայի նախագահ Բաշար Ալ-Ասադին իշխանությունից հեռացնելը:
ԱՄՆ-ը, Ռուսաստանը և ՄԱԿ-ը փորձում են բանակցությունների սեղանի շուրջ նստեցնել Սիրիայի կառավարությանը և ընդդիմությանը: ՌԴ-ի և ԱՄՆ-ի նախաձեռնությամբ նախատեսվում է «Ժնև-2» համաժողովը գումարել մինչև նոյեմբերի վերջ:
