Թմրանյութերի վաճառքի խոշորագույն առցանց խանութը՝ Silk Road-ը, որը փակվել էր կայքի հիմնադրի և ադմինիստրատորի՝ 29-ամյա Ռոս Ուիլյամ Ուլբրիխտի ձերբակալությունից հետո, վերսկսել է իր աշխատանքը՝ հաղորդում է Forbes-ը:
Նոր կայքը, որը ստացել է Silk Road 2.0 անվանումը, գործարկվել է նոյեմբերի 5-ին: Պարբերականը նշում է, որ կայքի նոր ադմինիստրատորը վերցրել է նույն կեղծանունը, ինչ նախորդը՝ Dread Pirate Roberts:
Ավելի վաղ հաղորդվում էր, որ կայքի սեփականատիրոջը մեղադրել են պատվիրված սպանությունը նախապատրաստելու մեջ: