43-ը մոդելի համար տարիք չէ, մանավանդ՝ Նաոմի Քեմբլի պես գեղեցկուհու: «Սև հովազն» անընդհատ շարժման մեջ է գտնվում և հետաքրքիր ծրագրերի է մասնակցում: Այսպես, պոդիումների աստղը դարձել է չինական L’Officiel հրատարակչության նոյեմբերյան համարի հերոսուհին:
Քեմբլը, ով երկար տարիներ փառքի գագաթնակետին է գտնվում, ամսագրի էջերում է հայտնվել սեզոնի նորաձև հագուստներով: Լուսանկարներում մոդելը հիանալի տեսք ունի, նրա կազմավածքին կարող են շատ կանայք նախանձել:
Ընդ որում, Նաոմին ոչ միայն լուսանկարվում է փայլերես ամսագրերի համար, այլև ակտիվ զարգացնում է մոդելային բիզնեսի մասին The Face նախագիծը, որտեղ նա հաղորդավարուհի է և մասնակիցների գլխավոր խորհրդատուն:
Այս բարդ գործում նրան ընկերակցում են Կոկո Ռոշան և Կառոլինա Կուրկովան, իսկ ահա Միրանդա Քերը հրաժարվել է մասնակցել շոուի ավստրալիական տարբերակին:
Սևամորթ գեղեցկուհին շատ էր ցանկանում, որ հենց Միրանդան մասնակցի ծրագրի նկարահանումներին, սակայն Նյու Յորքում ապրող Քերը գերզբաղված աշխատանքային գրաֆիկի պատճառով հրաժարվել է: