Երևանի Մամուլի ակումբի և «Դոյչե վելե» ակադեմիայի կողմից կազմակերպված «Հանրային նշանակության խնդիրների լուսաբանումն էթիկական տեսանկյունից» թեմայով միազգային կոնֆերանսին ներկա Հայաստանում Գերմանիայի Դաշնային Հանրապետության արտակարգ և լիազոր դեսպան Ռայներ Մորելն իր խոսքում նշեց, որ Հանրային նշանակության խնդիրների լուսաբանումը էթիկական տեսնակյունից վերջին շրջանում միջազգային օրակարգում դարձյալ բարձր հորիզոնականներ է գրավում: Նրա խոսքով` տեղեկատվական հոսքը կենսական նշանակություն ունի հասարակության համար:
Ժողովրդավարությունը, նրա խոսքով, առաջին հերթին սկիզբ է առնում հենց այդ տպավորությունից, որ իրազեկված քաղաքացիները քաղաքական կամք ունեն՝ պատասխանատվություն կրելու և ձևավորելու միջավայր:
Դեսպանը նշեց, որ ԶԼՄ-ները հաճախ անվանում են չորրորդ իշխանություն կամ լրատվամիջոցների իշխանություն, իսկ ժողովրդավարությունն ապացուցել է, որ հասարակական նշանակության կարևոր խնդիրները բարձրացվում են հենց լրատվամիջոցների շնորհիվ: Նրա խոսքով` մամուլի վիճակը ցանկացած երկրում տեղի ունեցող իրավիճակի ցուցիչն է: Մամուլի ազատությունը, նրա խոսքով, ժամանակակից պետության կարևոր հատկանիշ է, բայց այն բավարար չափորոշիչ չէ, քանի որ լրատվամիջոցները պարտավոր են ստեղծել լրացուցիչ գործ:
Նա նշեց, որ յուրաքանչյուր լրագրող վիթխարի պատասխանատվություն է կրում, իսկ էթիկական լուսաբանման համար անհրաժեշտ են բավարար չափի գիտելիքներ և որակներ, այլապես նա չի կարողանա ճիշտ լուսաբանել թեման:
Այսօրվա աշխարհում, նրա դիտարկմամբ, մեզ պետք է հետաքննող լրագրություն: Կարևորը իշխանության զսպումն է և հակակշռումը, ուստի լրագրողները խոցելի են և վտանգված, և, ըստ դեսպանի, լրագրողներին պետք է շնորհակալություն հայտնել հանրությանը մատուցած ծառայության համար:
«Դոյչե Վելլե» ակադեմիայի Հարավային Կովկասի ծրագրերի ղեկավար Բետինա Ռույգինեսն էլ նշեց, որ իրենց ակադեմիան շատ է կարևորում ԶԼՄ-ների էթիկայի կարևորությունը աշխարհի տարբեր երկրներում:
Լուսանկարը` PanARMENIAN Photo-ի
