«Մենք անչափ շնորհակալ ենք փոխնակ մորը, ով մեր երազանքը իրականություն դարձրեց»,– հայտարարել են աստղային ծնողները։
Քիմն ու Քանյեն առողջ աղջկա ծնողներ են դարձել։ Փոքրիկին, ով ընտանիքի երրորդ երեխան դարձավ, լույս աշխարհ է բերել փոխնակ մայրը։ Փոխնակ մոր ծառայություններին դիմելու որոշումը զույգը կայացրեց այն բանից հետո, երբ Քիմի նախկին հղիությունները բարդություններով անցան և բժիշկները նրան արգելեցին կրկին հղիանալ։
Երեխայի ծննդյան վերաբերյալ լուրը տեղադրված է նաև նրա աստղային մայրիկի բլոգում.
«Ես և Քանյեն ուրախ ենք տեղեկացնել մեր առողջ, հրաշք աղջկա լույս աշխարհ գալու մասին։ Մենք չափազանց շնորհակալ ենք փոխնակ մորը՝ մեր երազանքը իրականություն դարձնելու համար»,– գրել է Քիմ Քարդաշյանը։
