ԱՄՆ նախագահ Դոնալդ Թրամփը կրկին մեղադրել է առաջատար ԶԼՄ-ներին ստի մեջ՝ անվանելով ԱՄՆ քաղաքացիների կողմից իր աջակցության ցածր մակարդակի մասին հրապարակումները կեղծ։ Այս մասին նա գրել է իր թվիթերյան էջում։
«Կեղծ նորությունները չեն ցանկանում խոսել այն մասին, թե որքան մեծ և ամուր է մեր հիմքը։ Նրանք ցուցադրում են կեղծ հարցումներն այնպես, ինչպես հայտնում են կեղծ նորությունները։ Չնայած բացառապես բացասական տեղեկություններին՝ մեզ մոտ ամեն ինչ լավ է, ոչ ոք մեզ չի հաղթի։ Ամերիկան կդարձնենք կրկին մեծ»,-հայտարարել է Սպիտակ տան ղեկավարը։
Դեկտեմբերի 16-ին հրապարակվել էին Washington Post-ABC News համատեղ հարցման արդյունքները, համաձայն որոնց՝ ամերիկացիների մեծ մասը կարծում է, որ նախագահ Դոնալդ Թրամփը մեծ հաջողությունների չի հասել իր նախագահության առաջին 9 ամիսներին։
