ԱՄՆ նախկին նախագահ Բարաք Օբաման դադարեցրել է թմրանյութերի մաքսանենգության և լիբանանյան «Հզբոլլահ» շարժման այլ հանցագործությունների «վերաբերյալ հետաքննությունն Իրանական միջուկային ծրագրի վերաբերյալ գործողությունների համակողմանի ծրագրի պահպանման նպատակով: Այս մասին հայտնում է Politico թերթը, որը մանրամասն հետաքննություն է կատարել այս թեմայով:
Նշվում է, որ 2008 թ. իրավապահ մարմինները սկսել են «Նախագիծ Կասանդրա» գործողությունն այն բանից հետո, երբ ԱՄՆ արդարադատությանը կից Թմրանյութերի տարածման դեմ պայքարի վարչությունը հայտնաբերել է, որ «Հզբոլլահը» զբաղվում է թմրանյութերի մաքսանենգությամբ:
Մասնավորապես, հայնաբերվել է հաստատում, որ «Հզբոլլահն» ԱՄՆ է ներկրում կոկաին: Հետաքննության տվյալներով՝ «Հզբոլլահը» տարեկան մոտ 1 մլրդ դոլար է ստացել թմրանյութերի, զենքի մաքսանենգության, փողերի լվացման, օգտագործված մեքենաներ վաճառելով և այլ հանցավոր գործունեության միջոցով:
Սակայն Օբամայի վարչակազմը որոշել է փակել այդ հետաքննությունը, որպեսզի այն միջուկային գործարքից Թեհրանի հրաժարվելու պատճառ չդառնար:
