«Միջազգային հանրությունը հիմա խոսում է նրա մասին, որ Մինսկի խմբի կողմից առաջարկված բանաձևը կարող է լինել լուծման ձև։ Խաղաղ լուծման ինչ-որ ձև է առաջարկված՝ բացառելով ռազմական լուծումը։ Ոչ մի նոր բան չկա»,- «Առաջին լրատվական»-ի հետ զրույցում ասաց ՌԱՀՀԿ տնօրեն Մանվել Սարգսյանը՝ անդրադառնալով ԱԳ նախարարների վերջին հանդիպումից հետո համանախագահների արած հայտարարությանը, թե հակամարտությունը պետք է կարգավորվի փոխզիջումներով։
Մանվել Սարգսյանը նշեց, որ նորություն է միայն այն, որ վերջին շրջանում թե՛ Եվրոպայում, թե՛ խորհրդային տարածքում բավականին լայն կոնսենսուս գոյություն ունի Մինսկի խմբի առաջարկած լուծումների վերաբերյալ։ «Այ սա նորություն է։ Նման լայն կոնսենսուս երբևէ չի եղել։Իսկ դա խոսում է, որ վերջին շրջանում բավական ծանր վիճակ է ստեղծվել ամբողջ աշխարհում, մեր տարածաշրջանում և որպես զսպող քաղաքական գործիք, լծակ կիրառվում է այն, որ գործող բոլոր կառույցները սկսեցին խոսել, կոնսենսուս ձևավորել Մինսկի խմբի առաջարկների շուրջ»,- նշեց Սարգսյանը։
Առավել մանրամասն՝ տեսանյութում։
