Իրանի նախագահ Հասան Ռուհանին հանդես է եկել սիրիական քիմիական զենքի ամբողջական ոչնչացման օգտին և ընդգծել է Սիրիային մարդասիրական օգնության հետագա տրամադրման անհրաժեշտությունը ու Սիրիայի տարածքում ահաբեկիչներին դուրս հանելու անհրաժեշտությունը:
«Իրանում համարում են, որ մարդասիրական մատակարարումների շարունակությունը, Սիրիայի տարածքում ահաբեկչական խմբավորման ներթափանցումը կանխելը, նրանց դուրս հանելը, ինչպես նաև քիմիական զենքի ոչնչացումը առաջին կարևոր քայլերն են, որ հարկավոր է ձեռնարկել այդ երկրում կայունության ու խաղաղության հասնելու համար»,- ասել է Ռուհանին ՄԱԿ-ի և Արաբական երկրների լիգայի հատուկ պատվիրակ Լահդար Բրահիմին:
