ԽՍՀՄ ժողովրդական արտիստ Արմեն Ջիգարխանյանը ծանր վիճակով հոսպիտալացվել է։ Նրա ոտքերը կաթվածահար վիճակում են, դերասանը չի կարողանում քայլել, հայտնում է «Էքսպրես գազետան»։
Ներկայում նա գտնվում է Մոսկվայի հիվանդանոցներից մեկում։ Նրա վիճակն այնքան ծանր է, որ բժիկները դեռևս կանխատեսումներ չեն անում նրա առողջական վիճակի վերաբերյալ։
Ինչպես հայտնել են Մոսկվայի դրամատիկական թատրոնի (գեղարվեստական ղեկավարն Արմեն Բորիսովիչն է) մամլո ծառայությունից, Ջիգարխանյանը չի կարողանում քայլել։
«Դա տեղի է ունեցել դիաբետի ֆոնին, նրան հիվանդանոց է տարել ռեժիսոր Յուրի Կլեպիկովը»,-ասել է թատրոնի պաշտոնական ներկայացուցիչ Նատալյա Կորնեևան։
Ըստ ամենայնի, 82-ամյա դերասանի վրա խիստ ազդել է վերջին շրջանում տարած սթրեսը՝ կապված երիտասարդ կնոջից ամուսնալուծվելու գործընթացի հետ։
