Ավստրալիայում 40 տարվա ընթացքում ամենախոշոր անտառային հրդեհի մեղավորները եղել են Լիթգոու քաղաքի մոտ տեղակայված ռազմաբազաները՝ հաղորդում է Associated Press-ը:
Հետաքննությունը ցույց է տվել, որ բազայի մոտ գտնվող թուփը հրկիզվել է զորավարժանքներից հետո, որի ժամանակ կիրառվել է պայթուցիկ նյութ: Կրակն աստիճանաբար սկսվել է տարածվել ծառերի և խոտածածկի վրա:
Ավստրալիայի պաշտպանության նախարարությունը հրաժարվել է մեկնաբանել հետաքննության արդյունքները:
Հիշեցնենք, որ հրդեհը ոչնչացրել է 47 հազար հա անտառ, 200 տուն, զոհվել է մեկ մարդ: Ավստրալիայի խոշորագույն Նոր Հարավային Ուելս նահանգում հայտարարվել է արտակարգ դրություն, տարհանվել են հազարավոր մարդիկ: