Հունաստանում մեկնարկած շախմատի Եվրոպայի թիմային առաջնության առաջին տուրում մեր հավաքականները վստահ հաղթանակ են տարել: Տղամարդկանց հավաքականը 3:1 հաշվով առավելության է հասել Շվեյցարիայի նկատմամբ:
Հաղթանակներ են տարել սպիտակներով հանդես եկած Գաբրիել Սարգսյանն ու Հովհաննես Գաբուզյանը: Սերգեյ Մովսեսյանը Հրանտ Մելքումյանը ոչ-ոքի են խաղացել: Թիմի առաջատար Լեւոն Արոնյանը բաց է թողել առաջին տուրը:
Հայաստանի կանանց հավաքականը մրցելով Հունաստանի երկրորդ թիմի հետ հաղթել է 3.5-0.5 հաշվով: Հաղթանակներ են տարել Էլինա Դանիելյանը, Լիլիթ Գալոյանն ու Մարիա Կուրսովան: Լիլիթ Մկրտչյանը ոչ-ոքի է խաղացել:







































