HSBC բանկ Հայաստանը, Հայաստանում Բրիտանիայի դեսպանատունը և հայ բրիտանական ձեռներեցության պալատը կազմակերպել էին «Առևտրի ֆինանսավորման ակադեմիա» թվով 8-րդ սեմինարը: Ըստ բանկի առևտրավարկային դեպարտամենտի տնօրեն Արամ Փինաջյանի՝ ակադեմիան Հայաստանում անց է կացվում սկսած 2010-ից: HSBC-ն ներկայացված է և գործում է թե՛ զարգացող, թե՛ զարգացած երկրներում, մեզ համար հասանելի է դարձնում ողջ միջազգային առևտրի 77%-ը:
Առևտրի ֆինանսավորման ծավալները 2012-ին ավելացել են 65%-ով՝ կազմելով 30,5 մլրդ դրամ: Առևտրի ֆինանսավորման եկամուտներն աճել են 13%-ով: Այս տարվա սեպտեմբեր ամսվա ցուցանիշներով՝ 2012-ի համեմատ գրանցվել է առևտրի ծառայությունների ֆինանսավորման 31% և եկամուտների՝ 20% աճ:
Այս տարվա ապրիլից, Ա. Փինաջյանի խոսքով, բանկը գործարկել է Սարքավորումների Ֆինանսավորում գովազդային ակցիան՝ մեքենա-սարքավորումների, հաստոցների և արտադրական գծերի ներմուծման համար, որի ֆինանսավորման տոկոսադրույքը կազմում է տարեկան մինչև 7%: Տեղական շուկայում սա նման օրինակը չունեցող ֆինանսավորման գործիք է, քանի որ այն հնարավորություն է տալիս ներմուծողին հետաձգելու վճարումը մինչև 30 ամիս, մինչդեռ արտահանողը ստանում է ինվոյսային արժեքի 100% նախապես` առանց որևէ ֆինանսական ծախսերի: Ապրիլից միչ օրս, բանկը թողարկել է ընդհանուր առմամբ $6.7մլն դոլարի Փ/Ա (2013թ-ի սեպտեմբերի դրությամբ սույն ցուցանիշը կազմում է $21մլն.):
Սեմինարին բացման խոսքով հանդես եկավ նաև Մեծ Բրիտանիայի փոխդեսպան Ըմայաս Մորզը: Նրա խոսքով՝ HSBC-ն Հայաստան եկավ 90-ականների կեսերին, երբ դեռ այստեղ կայացած չէր բանկային համակարգը: Լինելով աշխարհի խոշորագույն ֆինանսական հաստատություններից մեկը այն մեծ ներդրում ունեցավ Հայաստանում բանկային համակարգի կայացման գործում և հանդիսանում է բրիտանական հաջողված բիզնես մոդել:
