ՄԱԿ-ի գլխավոր ասամբլեայի նստաշրջանի շրջանակներում ՀՀ արտգործնախարար Էդվարդ Նալբանդյանը սեպտեմբերի 20-ին հանդիպել է Մոլդովայի փոխվարչապետ, արտաքին գործերի և եվրոպական ինտեգրման նախարար Անդրեյ Գալբուրի հետ:
Ինչպես տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից, զրուցակիցները քննարկել են երկկողմ հարաբերությունների օրակարգային հարցերի լայն շրջանակ, փոխադարձ այցելությունների ժամանակացույցը:
Նախարարներն անդրադարձան երկկողմ իրավապայմանագրային դաշտի ընդլայմանը և միջազգային կառույցներում երկու երկրների համագործակցությանն առնչվող հարցերին:
