Դեթրոյթի դատարանը քաղաքի նախկին քաղաքապետ Կվամե Կիլպատրիկին (պաշտոնը լքել է 2008-ին) դատապարտել է 28 տարվա ազատազրկման: Նրան մեղավոր են ճանաչել կոռուպցիայի, հանցավոր դավադրության, խարդախության ու հարկային հանցագործությունների մեջ: Այս մասին հայտնում է Vesti-ն:
Փորձագետներն ասում են, որ հենց նա է վերջնականապես կործանել Դեթրոյթի տնտեսությունը: Արդեն մոտ ժամանակներս քաղաքը կարող է պաշտոնապես սնանկ ճանաչվել: Սա խոշորագույն մունիցիպալ աղետն է ԱՄՆ պատմության մեջ:
Երիտասարդ քաղաքական գործչին համարում էին Դեմոկրատական կուսակցության ծագող աստղը, սակայն նա չարդարացրեց հույսերը: Հաղորդվում է Դեթրոյթի իր նստավայրում մերկապարուհիների մասնակցությամբ երեկույթների կազմակերպման, բարեգործական հիմնադրամի գումարների մսխման մասին: Նա շահավետ պայմանագրերը կնքում էր այն ընկերությունների հետ, որոնց սեփականատերերն էին իր կինն ու լավագույն ընկերը: Որդու մութ գործերին մասնակցել է նաև տարեց հայրը: Նա ամբաստանյալի աթոռին կհայտնվի որդու հետևից:
Քաղաքի պարտքը կազմում է 20 մլրդ դոլար:
