Աշխարհահռչակ թենիսիստուհի Սերենա Ուիլամսը Instagram –ում հրապարակել է նորածին դստեր առաջին լուսանկարները, ինչպես նաև տեսանյութ՝ իր հղիության ողջ ընթացքի մասին։ Այս մասին հայտնում է The Daily Mail-ը։
Սեպտեմբերի 1-ին լույս աշխարհ եկած աղջնակին անվանակոչել են Ալեքսիս Օլիմպիա Օհանյան կրտսեր։ Սերենան նշել է, որ իրենք ստիպված են եղել 6 օր անցկացնել հիվանդանոցում առաջացած բարդությունների պատճառով։ Փոքրիկը կշռում է 3,1 կգ։
Երեկ Սերենան տեղադրել էր ծննդաբերությունից հետո իր և երեխայի հոր՝ Ալեքսիս Օհանյանի առաջին լուսանկարը՝ գրելով. «…իսկ դուք պատրա՞ստ եք»։