Հոկտեմբերի 9-ին Ադրբեջանում նախագահական ընտրություններ են: 10 թեկնածուներից հաղթանակի ամենամեծ շանսերն ունի գործող նախագահ Իլհամ Ալիևը: Ամերիկյան AJF ընկերության անցկացրած հարցումների արդյունքներով՝ 10 տարի պաշտոնավարած Ալիևի օգտին պատրաստ է քվեարկել ընտրողների 90.5 տոկոսը:
Ընդդիմությունը հարցման արդյունքները համարում է կեղծ և նախապես հայտարարում, որ ընտրությունները նույնպես կեղծվելու են: Այս մասին փոխանցում է RIA Novosti-ն:
Ալիևը 2003 և 2008 թվականների ընտրություններին հաղթել էր ձայների 79 և 88 տոկոսով: Ալիևը ներկայիս ընտրություններին մասնակցելու իրավունք ստացել է 2009-ին, երբ քաղաքացիների ավելի քան 87 տոկոսը քվեարկել է սահմանադրական նորմի չեղյալ հայտարարման օգտին, որն արգելում է 2 ժամկետից ավելի պաշտոնավարումը:
Նախընտրական արշավը եռակի կրճատվել է՝ նախկին 2 ամսվա փոխարեն հասել է 22 օրվա: Ընդդիմությունը դա կապում է ընտրողների հետ շփումը նվազեցնելու իշխանությունների ցանկության հետ:
Գրող և կինոսցենարիստ Ռուստամ Իբրահիմբեկովն առաջադրվել է ընդդիմադիր Դեմոկրատական ուժերի ազգային խորհրդից:
Երկրում քվեարկելու իրավունք ունի 5 մլն 141 հազար քաղաքացի: Ընտրությունների ընթացքին կհետևեն ավելի քան 1300 միջազգային դիտորդներ՝ շուրջ 100 երկրներից: