Հոտեմբերի 3-ին Ստրասբուրգում գտնվող ՀՀ նախագահ Սերժ Սարգսյանը Եվրախորհրդի Խորհրդարանական վեհաժողովի նիստում հանդես եկավ ելույթում, որում վերահաստատեց և պարզաբանեց Հայաստանի որդեգրած արտաքին քաղաքականությունը՝ պնդելով, որ ՀՀ-ն Արևելյան գործընկերության՝ Վիլնյուսում կայանալիք գագաթնաժողովին պատրաստ է ստորագրել ԵՄ-ի հետ Ասոցացման համաձայնագիրն առանց ԽՀԱԱԳ պայմանագրի: ՀՀ նախագահն ընդգծեց, որ Հայաստանն ուզում է շարունակել քաղաքական բարեփոխումներն ու ժողովրդավարության հաստատման ուղին, որը հնարավոր է ԵՄ-ի հետ համագործակցությամբ:
«Առաջին լրատվական»-ը դիմեց ԵՄ ընդլայնման և եվրոպական հարևանության քաղաքական հարցերով հանձնակատար Շտեֆան Ֆյուլեի օգնական Պիտեր Ստանոյին Սերժ Սարգսյանի՝ ԵՄ-Հայաստան Պիտեր Ստանոյին համագործակցության ուրվագծի հնարավորությունը պարզելու համար: Նա նշեց, որ չեն մեկնաբանում և անդրադառնում իրենց Պիտեր Ստանոյին գործընկերների ելույթներին և հայտարարություններին, սակայն պետք է կրկնի, որ ինչ վերաբերում է Ասոցացման համաձայնագրին, ապա ԵՄ-ն Հայաստանի հետ Ասոցացման համաձայնագիրը բանակցել է ԽՀԱԱԳ պայմանագրի հետ մեկ փաթեթում:
«Այն ժամանակից ի վեր, երբ Հայաստանը որոշեց միանալ ՄՄ-ին, հնարավոր չէ նախաստորագրել ԱՀ, հետո ստորագրել, քանի պարտավորությունները ԱՀ-ի և ՄՄ-ի դեռ անհամատեղելի են»,- նկատեց նա:
Պիտեր Ստանոն նաև տեղեկացրեց, որ դեռևս հատուկ որևէ փաստաթուղթ չկա Հայաստանի և ԵՄ-ի միջև պատրաստված Վիլնյուսի համար: «Բայց մենք աշխատում ենք ելքեր գտնել՝ ինչպես կառուցել այն, ինչին հասել ենք, և օգտագործել դա որպես հիմք մեր հետագա համագործակցության համար մի իրավիճակում, որտեղ չունենք Ասոցացման համաձայնագիրը ԽՀԱԱԳ պայմանագրի հետ»,- նման տեսակետ հայտնեց Պիտեր Ստանոն:
