Գերմանացի հնագետներն իրաքյան Քրդստանում հայտնաբերել են հնագույն Իդու քաղաքի ավերակները: Այս երբեմնի ծաղկուն քաղաքը գտնվել է Ասորական կայսրության տիրապետության տակ և օգտագործվել է որպես ռազմական բազա` շրջակա տարածքները վերահսկելու համար:
Ինչպես հաղորդում է fedpost-ը, քաղաքը ծաղկում է ապրել շուրջ 3000 տարի առաջ: Ավելի ուշ Ասորեստանը կորցրել է քաղաքի նկատմամբ վերահսկողությունը. Իդուն ձեռք է բերել անկախություն և դարձել է թագավորության կենտրոն: Սակայն 140 տարի անց ասորիները կրկին գրավել են այն:
Հնագետները հայտնաբերել են նաև արվեստի նմուշներ, որոնք վկայում են այն մասին, որ Իդուն որոշ ժամանակ անկախ է եղել:
Դրանցից մեկը պատկերում է մորուքավոր սֆինքսի` տղամարդու գլխով և թևավոր առյուծի մարմնով: Աղյուսի վրա պահպանվել է հետևյալ գրությունը. «Բայաուրի պալատ, Էդիմայի որդի, Իդու հողերի թագավոր»:
