Իտալական Fiat ավտոկոնցեռնը ԱՄՆ կառավարությունից 560 մլն դոլարով գնում է ամերիկյան Chrysler ընկերության բաժնետոմսերի վերջին 6%-ը։ Գործարքի մասին պաշտոնապես հայտարարել է Բարաք Օբաման Chrysler ընկերություն կատարած այցի ժամանակ։
Fiat-ը, ունենալով Chrysler-ի բաժնետոմսերի 46%-ը, այս գործարքից հետո կդառնա Chrysler-ի բաժնետոմսերի վերահսկիչ փաթեթի սեփականատերը։ Chrysler-ի բաժնետոմսերի՝ մեծությամբ երկրորդ փաթեթը (40%) պատկանում է ամերիկյան ավտոմոբիլային ոլորտի աշխատողների UAW արհմիությանը։
Մայիսի վերջին Chrysler-ը, անցնելով սնանկացման գործընթացը, Fiat-ի օգնությամբ ժամկետից 6 տարի շուտ ԱՄՆ-ի և Կանադայի իշխանություններին վերադարձրեց 7.6 մլրդ դոլարի պարտքը։