Սեպտեմբերին՝ 2012թ. սեպտեմբերի համեմատ միրգը թանկացել է միանգամից 20.6 տոկոսով: Սակայն ամսական կտրվածքով որոշ մրգերի գներն իջել են:
Սեպտեմբերին ՝ օգոստոսի համեմատ խնձորի գինը նվազել է 5.5%-ով, ադամաթզինը` 4.6%-ով: Միաժամանակ, հանրապետությունում գրանցվել է նարնջի` 6.9% և դեղձի` 16.1% գնաճ:
Բանջարեղենն ու կարտոֆիլը սեպտեմբերին՝ անցած տարվա սեպտեմբերի համեմատ թանկացել են 12.4%-ով, իսկ օգոստոսի համեմատ էժանացել՝ 6.3%-ով:
Շաքարավազի միջին գինը Հայաստանում նվազել է և’ ամսական, և’ տարեկան կտրվածքով: Սեպտեմբերին՝ 2012թ. սեպտեմբերի համեմատ շաքարավազն էժանացել է 14.8%-ով, իսկ 2013թ. օգոստոսի համեմատ` 2.2%-ով:
Հացամթերքը սեպտեմբերին՝ 2012թ. սեպտեմբերի համեմատ թանկացել է 6.1%-ով, իսկ օգոստոսի համեմատ էժանացել` 0.3%-ով:
Սեպտեմբերին կտրուկ թանկացել է ձուն: Սեպտեմբերին՝ անցած տարվա սեպտեմբերի համեմատ հանրապետությունում ձուն թանկացել է միանգամից 38.6%-ով: Ամսական կտրվածքով գնաճը նույնպես մեծ է: Օգոստոսի համեմատ ձուն թանկացել է 9.4%-ով:
Թանկացել են նաև կենդանական և բուսական յուղերը՝ 12.5 տոկոսով (սեպտեմբերին՝ 2012թ.-ի սեպտեմբերի համեմատ): Իսկ ամսական կտրվածքով գնաճը 0.6% է: Սա հիմնականում պայմանավորված է կարագի 2.2%-ով թանկացմամբ:
Սեպտեմբերին՝ 2012թ. սեպտեմբերի համեմատ կաթնամթերքի ապրանքախմբում գրանցվել է 12.2%, իսկ 2013թ. օգոստոսի համեմատ`0.3% գնաճ:
Թանկացումների շղթան եզրափակում է մսամթերքը: Այստեղ, սեպտեմբերին՝ 2012թ.-ի սեպտեմբերի համեմատ թանկացումը 4 տոկոս է, իսկ 2013թ. օգոստոսի համեմատ`0.3%:
