Արքայազն Ուիլյամի և Քեյթ Միդլթոնի հուլիսի 22-ին ծնված որդուն կմկրտեն հոկտեմբերի 23-ին՝ Սենտ Ջեյմսի պալատի թագավորական զանգակատանը, փոխանցում է The Mirror հրատարակչությունը:
Հատուկ այս իրադարձության համար Թագավորական դրամային պալատը մետաղադրամների հավաքածու կթողարկի, որը նախապես հավանության է արժանացել Քեմբրիջի դքսի և դքսուհու, ինչպես նաև թագուհու և վարչապետի կողմից: Ընդ որում, տոնական մետաղադրամներն առաջին անգամ կթողարկվեն թագավորական ընտանիքի անդամի մկրտության պատվին:
Արարողությանը, որը կսպասարկի Քենթերբերիի արքեպիսկոպոսը, ներկա կգտնվեն երկու ընտանիքների մոտ անդամները: Արքայազն Ջորջի հագին ատլասից և ժանյակից հագուստ կլինի, որը կկարվի Վիկտորյա թագուհու ավագ դստեր՝ Վիկտորյայի մկրտության հագուստի օրինակով: Վերջինս մկրտվել է 1841 թ., գրում է 7days.ru-ն:
