Իտալիայի խորհրդարանում Սիլվիո Բեռլուսկոնիի «Ազատության ժողովուրդ» կուսակցության գրեթե բոլոր պատգամավորներն ու սենատորները հրաժարականի նամակ են ստորագրել, որն ուժի մեջ կմտնի այն դեպքում, եթե օրենսդրական վեհաժողովից հեռացվի իրենց ղեկավարը:
Այս մասին հայտարարել է Իտալիայի խորհրդարանի երկու պալատներում «Ազատության ժոսղովուրդ» կուսակցության խորհրդարանական խմբակցության ղեկավարը, տեղեկացնում է ITAR-TASS-ը:
Ստորին պալատում «Ազատության ժողովուրդ» կուսակցությանխմբի ղեկավար Ռենատո Բրունետտան այդ քայլն անվանել է «սիրո ու հավատարմության նշան» իրենց առաջնորդի հանդեպ, որին սպառնում է խորհրդարանից հեռացում այն բանից հետո, երբ վերջնական դատավճիռ կկայացվի նրան ֆինանսական խարդախության համար 4 տարով ազատազրկելու վերաբերյալ:
