The Guardian-ը ներկայացրել է ռեժիսոր Քալեն Հոբեքի «Կանոններն ու պայմանները կարող են գործի դրվել» (Terms and Conditions May Apply) վավերագրական ֆիլմի թրեյլերը: Ֆիլմում նկարահանվել են ավստրիացի ակտիվիստ, իրավաբանական ֆակուլտետի ուսանող Մաքս Սքրեմը, Facebook-ի հիմնադիր Մարկ Ցուկերբերգը և այլք:
Ֆիլմը այն մասին է, որ մարդկանց գերակշռող մասը չի ծանոթանում այցելվող կայքերի կամ ներբեռնվող հավելվածների կիրառման պայմաններին՝ մինչ համաձայնություն տալը:
Դրանք ամբողջովին կարդալը կարող է տարեկան կազմել մեկ ամբողջ ամիս, այնուհանդերձ՝ դրանց ծանոթանալ է պետք, այլապես Ձեր տվյալները կարող են կիրառվել տարբեր նպատակներով:
