Այսօր Գյումրու քաղաքապետ Սամվել Բալասանյանն ընդունել է Գերմանիայի Դաշնային Հանրապետության Բունդեսթագի անդամ Յուրգեն Կլիմկին: Ողջունելով հյուրին` Սամվել Բալասանյանը համառոտ ներկայացրել է Գյումրու պատմությունն ու սոցիալ-տնտեսական ներկա վիճակը, վերջին ամիսների ընթացքում քաղաքում կատարված աշխատանքները, խոսեց նաև ապագայում նախանշված ծրագրերի մասին:
Պատասխան խոսքում Յուրգեն Կլիմկը շնորհակալություն է հայտնել Գյումրու քաղաքապետից ընդունելության համար և պատրաստակամություն է հայտնել իր հնարավորությունների շրջանակներում քայլեր ձեռնարկել, որպեսզի գերմանական որևէ քաղաքի հետ պաշտոնական հարաբերություններ չունեցող Գյումրին քույր քաղաք ունենա Գերմանիայում:
Հանդիպման ընթացքում զրուցակիցները քննարկել են երկկողմ հետաքրքրություն ներկայացնող մի շարք հարցեր, մասնավորապես Սամվել Բալասանյանի առաջարկով շոշափվել է գերմանական կապիտալի հավանական հոսքի հնարավորությունը դեպի Գյումրի:
