Իրանի արտգործնախարար Մուհամմադ Ջավադ Զարիֆը սեպտեմբերի 26-ին ՄԱԿ-ի Գլխավոր ասամբլեայի նիստի շրջանակներում կհանդիպի միջազգային վեց միջնորդների հետ: Այս մասին հաղորդում է RIA Novosti-ն՝ վկայակոչելով Իրանի ԱԳՆ իր աղբյուրին:
Հանդիպմանը կքննարկվի Իրանի միջուկային ծրագրի հարցը: Նշվում է, որ դա հանդիպման նախնական օրն է:
Ավելի վաղ հաղորդվել էր այն մասին, որ Իրանի նախագահ Հասան Ռուհանին հայտարարել է, որ Իրանը կարող է կարճ ժամանակում միջուկային ծրագրի խաղաղ բնույթի երաշխիքներ տալ՝ նախապայմանով, որ կհարգեն Իրանի ատոմային էներգետիկա ունենալու, այդ թվում՝ ուրանի հարստացման իրավունքը:
