Այս գրեթե 2000 կգ քաշով քայլող ռոբոտի ստեղծող Մեթ Դենթոնը վստահ է, որ իր Mantis-ը հանդիսանում է աշխարհի խոշորագույն ամենագնաց վեցոտանի քայլող ռոբոտը:
Սարդանման ռոբոտի բարձրությունը 2,8 մ է: Այն շարժվում է 2,2 լիտրանոց շարժիչի շնորհիվ:
Մեթ Դենթոնը, ով հանդիսանում է Micromagic Systems-ի (անիմատոր ու ռոբոտացված կառավարման համակարգեր է մատակարարում կինոյի արդյունաբերությանը) հիմնադիրն ու գլխավոր կոնստրուկտորը, կարող է ձեռքով ղեկավարել ռոբոտին՝ նստելով խցիկում։ Բացի այդ, նա կարող է հեռվից կառավարել այն Wi-Fi-ի օգնությամբ։
Մեքենան, ի զարմանս բոլորի, կարող է տեղաշարժվել անհարթ մակերեսներով՝ հարմարվելով տեղանքին իր վեց թաթերով: Այն իր թաթերի օգնությամբ կարող է տեղափոխել բավականին խոշոր իրեր:
Մեթ Դենթոնը հաղորդել է, որ Mantis-ն արդեն հասանելի է մասնավոր կոլեկցիոներների համար:
