42-ամյա բրիտանուհին կարողացել է ճաղերի հետևը նետել իրեն մանկության տարիներին բռնաբարած տղամարդուն: 30-ամյա վաղեմության հանցագործությունը հայտնաբերելու հարցում նրան օգնել է Facebook սոցիալական ցանցը:
Մելինդա Թոմասը կյանքի մեծ մասը անցկացրել է իր ողբերգության հետ: Այնուհետև նա որոշել է պատժել 13 տարեկանում իր վրա հարձակված տղամարդուն՝ գրում է The Daily Mail-ը:
Այդքան տարի հետո կատարվածի ապացույցներ գտնելը գրեթե անհնարին էր, այդ իսկ պատճառով Մելինդան սկսել էր սեռական հանցագործի մյուս զոհերին փնտրել: Համապատասխան հայտարարությունը նա տեղադրել էր սոցցանցում:
Մելինդան մեծացել է Անգլիայի հարավարևմտյան Ուիլթշիր կոմսության Սուինդոն քաղաքում: Մանկության տարիներին նրան մեծ ապագա էին խոստանում, քանի որ բալետի դպրոց էր ընդունվել:
Մելինդան անվաչմուշկներ վարելիս հանդիպել է 24-ամյա հանցագործին, որից բոլորն էին վախենում շրջանում:
Մելինդան այնուհետև սիրելիին պատմել է կատարվածի մասին, սակայն դա նրանց չի խանգարել ամուսնանալ և երեխաներ ունենալ: Այնուամենայնիվ, պարանոյան, որը նա չի կարողացել հաղթահարել, պատնեշի նման կանգնած է եղել նրա և ամուսնու միջև: Նրանք ամուսնալուծվել են: Մելինդան նոր տղամարդու է հանդիպել ու ամուսնացել, սակայն կրկին հանցագործի դեմքը չի կարողացել ջնջել ուղեղից:
