Ռուսաստանը կոչ է անում սիրիական իշխանություններին քիմիական զենքը հանձնել միջազգային վերահսկողությանը: Այդ մասին հաղորդել է RIA Novosti-ն՝ հղում կատարելով ՌԴ արտգործնախարար Սերգեյ Լավրովին:
Լավրովը նշել է, որ Ռուսաստանը կսկսի աշխատել Սիրիայի հետ նրա համար, որպեսզի ստանա քիմիական զենքը միջազգային հանրության վերահսկողությանը փոխանցելու երկրի ղեկավարության համաձայնությունը:
«Մենք չգիտենք` արդյոք կհամաձայնե՞ն Սիրիայում, բայց եթե միջազգային վերահսկողության հաստատումը կօգնի խուսափել հարվածներից, ապա մենք անմիջապես կսկսենք աշխատել Դամասկոսի հետ»,- ասել է նախարարը:
Ըստ Ռուսաստանի արտգործնախարարի խոսքերի՝ դա թույլ կտա Սիրիային խուսափել ԱՄՆ-ի և ՆԱՏՕ-ի անդամ երկրների ռազմական միջամտությունից:
