ՊՍԺ-ի հարձակվող Զլատան Իբրահիմովիչը պատմել է իր ու Պեպ Գվարդիոլայի փոխհարաբերությունների մասին:
«Գվարդիոլան նման էր աղյուսե պատի: Նա կյանքի ոչ մի նշան ցույց չէր տալիս: Ամեն մի ժամ, որ անցկացնում էի «Բարսելոնա»-ում, մտածում էի ակումբից հեռանալու մասին:
Ես հազիվ էի տիրապետում ինձ, հատկապես` «Վիլյառեալ»-ի դեմ խաղում, երբ դաշտ դուրս եկա 5 րոպեով:
Խաղից հետո ես գնացի հանդերձարան, որտեղ էին Յայա Տուրեն ու այլ խաղացողներ: Այնտեղ կեղտոտ մարզաշապիկների համար մետաղյա արկղ կար: Ես հարվածեցի դրան, ու այն 2-3 մետր այն կողմ գնաց: Ես չէի կարողանում տիրապետել ինձ:
Ես վիրավորեցի Գվարդիոլային ու հեռացա:
Ես ամբողջովին կորցրել էի ինքնատիրապետումը ու կարծում էի, որ նա ինչ-որ պատասխան կտա, բայց նա շատ վախկոտ դուրս եկավ, բարձրացրեց արկղը ու հեռացավ: Դրանից հետո նա երբեք չհիշեց այդ դեպքի մասին»,- գրել է Զլատանը իր ինքնակենսագրականում:
