Բոլիվիայի նախագահ Էվո Մորալեսը ԱՄՆ նախագահ Բարաք Օբամային մեղադրել է Սիրիայի նախագահ Բաշար Ասադին սպանելու ծրագրերի մեջ՝ նրա կառավարությունը տապալելու նպատակով:
«Մինչ այժմ երբեք խնդիրները չեն լուծվել ռազմական ներխուժման օգնությամբ, իսկ ԱՄՆ Կոնգրեսի՝ միջազգային հարցերով հանձնաժողովի համաձայնությունը, Միացյալ Նահանգների կողմից Սիրիա ներխուժելու առաջին քայլն է, որի նպատակը դա է»,-վենեսուելական Noticias 24 պարբերականը մեջբերում է Մորալեսի խոսքերը:
Ավելի վաղ Բոլիվիայի ղեկավարը հայտարարել էր, որ ԱՄՆ-ը Սիրիայում ռազմական գործողություններ է ծրագրում այդ երկրի բնական պաշարներին տիրանալու նպատակով:
