Նյու Յորքում ոստիկանությունը որոնում է այն վարորդին, որը Մանհեթենի շուրջը անցել է ռեկորդային՝ 24 րոպե և 7 վայրկյանում, իսկ հետո տեսանյութը տեղադրել է համացանցում՝ հաղորդում է The Telegraph-ը:
Մանհեթենում նախորդ ռեկորդը սահմանվել էր 2010 թ.-ին, CBC խմբի կողմից՝ 26 րոպե 3 վայրկյան: Նոր ռեկորդակիրը շրջանցել է նախկին ռեկորդը նույնիսկ այն դեպքում, երբ կանգնում էր կարմիր լույսի տակ:
«Դա առաջին դեպքը չէ, երբ ես ռեկորդ եմ սահմանում: Ես դա կարող եմ մի անգամ էլ անել և դուրս գալ 24 րոպեի սահմաններից»,- ասել է նա ավտոմեքենաների Jalopnik կայքին տված հարցազրույցում:
Վարորդը համաձայն չէ, որ վտանգի է ենթարկել Նյու Յորքի բնակիչներին: Քաղաքային ոստիկանության կոմիսար Ռեյ Քելին իր հերթին հայտարարել է, որ չնայած տպավորված է, սակայն քայլեր է ձեռնարկելու նման ռեկորդների սահմանումը կանխելու համար:
