Գերմանիայի Դրեզդեն քաղաքի Haar Mode Team վարսավիրանոցն իր այցելուներին առաջարկում է վզի մերսում կենդանի պիթոնով:
Վարսավիրանոցի տերը՝ Ֆրանկ Դոլենը, պնդում է, որ մերսման նման եղանակի մասին տեղեկացել է Հարավային Աֆրիկա այցելությունից հետո: Վերադառնալով Գերմանիա՝ նա որոշել է «աշխատանքի վերցնել» Մոնթի անունով իր 13-ամյա տնային պիթոնին:
Մոնթին ունի ավելի քան մեկ մետր երկարություն, կշռում է 2,4 կգ: Դոլենի խոսքով՝ պիթոնի մարմինը 90%-ով բաղկացած է մկաններից, ինչը նրանց դարձնում է հրաշալի մերսողներ:
Մերսման 30 րոպե տևողությամբ մեկ սեանսն արժե 35 եվրո:
