Ուկրաինական «Մասկի» թատրոնի դերասանները որոշել են նոր կուսակցություն ստեղծել` «Ուկրաինայի երգիծական-ժողովրդավարական կուսկացություն», հաղորդում է Interfax-ը:
«Եթե պրոֆեսիոնալ քաղաքական գործիչներն ավելի շատ նման են ծաղրածուների, ապա ինչու պրոֆեսիոնալ ծաղրածուները չեն կարող քաղաքական գործիչներ դառնալ»,- ասել է կուսակցության անդամ, Ուկրաինայի ժողովրդական արտիստ Գեորգի Դելիևը:
Նրա խոսքերով` իրենք ցանկացել են կուսակցությունը սկզբում կոչել «Ուկրաինայի ամենահիմար կուսակցություն»: «Սակայն հետո մտածեցինք, որ մյուս կուսակցությունները կնեղանան այդ դեպքում` ինչու ենք մենք «ամենա»-ն»,- հավելել է ժողովրդական արտիստ Բորիս Բարսկին:
Մոտակա ժամանակներս կուսակցությունը պաշտոնապես կգրանցվի:
