Ռուսաստանի արտգործնախարար Սերգեյ Լավրովն ու ԱՄՆ պետքարտուղար Ջոն Քերին հանդես են եկել Դամասկոսի արվարձանում քիմիական զենքի կիրառման մասին տեղեկության օբյեկտիվ հետաքննման օգտին: Այս մասին հայտնել են Ռուսաստանի ԱԳՆ-ում՝ փոխանցում է RIA Novosti-ն:
Օգոստոսի 22-ին ամերիկյան կողմի նախաձեռնությամբ Լավրովի ու Քերիի միջև հեռախոսազրույց է տեղի ունեցել: Արտաքին քաղաքական գերատեսչությունների ղեկավարները քննարկել են Սիրիայում տիրող իրավիճակը:
«Ընդհանուր հետաքրքրվածություն է արտահայտվել երկրում գտնվող ՄԱԿ-ի փորձագետների առաքելության, Դամասկոսի արվարձանում քիմիական զենքի հնարավոր կիրառման մասին ստացված տեղեկությունների առնչությամբ օբյեկտիվ հետաքննության անցկացման վերաբերյալ»,- ասվում է ՌԴ ԱԳՆ հաղորդագրության մեջ:
