Ադոլֆ Հիտլերի անձնական հեռախոսը հանվել է աճուրդի, որը կայանալու է ԱՄՆ-ում: Այս մասին հաղորդում է Alexander Historical Auctions աճուրդի տան կայքը:
Siemens հեռախոսը վերմախտի նվերն էր: 1945թ. Խորհրդային զորքերը այն հայտնաբերել են Հիտլերի բունկերում և փոխանցել բրիտանացի սպայի, որի ընտանիքը սարքը պահել է ավելի քան 70 տարի:
Աճուրդի տունն այս լոտը որակել է որպես «պատմության մեջ հավանական է ամենամահաբեր զենք, որը խլել է միլիոնավոր մարդկանց կյանք»: Հեռախոսի մոտավոր արժեքը 200-300 հազար ԱՄՆ դոլար է: Աճուրդը կայանալու է փետրվարի 19-ին: Բացի հեռախոսից աճուրդի կհանվեն նաև Երրորդ ռեյխի ժամանակաշրջանի այլ իրեր:
