Ամերիկյան տիեզերական NASA գործակալությունը վաճառում է երեք շարժական հարթակները, որոնցից դեպի Լուսին են արձակվել «Ապոլոն» առաքելության հրթիռները՝ գրում է The Guardian-ը: Այդ հարթակները ներառվել են պատմական օբյեկտների ցուցակում:
Պողպատե կոնստրուկցիաները կառուցվել են 1967 թվականին «Սատուրն» հրթիռների համար, որոնք էլ իրականացրել են «Ապոլոն» ծրագիրը: Ավելի ուշ դրանք ձևափոխվել են տիեզերական մաքոքների համար, որոնք թռչել են 1981-2011 թվականներին: Հարթակները կիրառվել են անգարներից Քենեդու անվան տիեզերական կենտրոն թրթուրավոր անիվներով տիեզերանավերի տեղափոխման համար:
NASA-ն հայտարարել է, որ հարթակները կարող է գնել մասնավոր ընկերություն, որը կարող է դրանք ըստ նպատակի օգտագործել կամ հանձնել վերամշակման:
Ընկերությունների առաջարկներն ընդունվում են մինչև սեպտեմբերի 6-ը:
