ԱԻՄ առաջնորդ Պարույր Հայրիկյանը ֆեյսբուքյան իր էջում գրել է, որ ԱԻՄ-ն իր ղեկավար մարմնի՝ ներկայացուցչական խորհրդի քվեարկությամբ՝19 կողմ, 2 դեմ, միացել է Օհանյան- Դալլաքյան, Օսկանյան և Արամ Սարգսյան նախընտրական համագործակցությանը: Կողմ են քվեարկել Արկադի Վարդանյանը, Պարույր Հայրիկյանը, Սուսաննա Գրիգորյանը, Սուսաննա Ավագյանը, Աշոտ Վարդանյանը, Էմմա Շաշիկյանը, Գագիկ Սարուխանյանը, Կարինե Ստեփանյանը, Կարեն Բարսեղյանը, Գառնիկ Ներսիսյանը, Աննման Խաչատրյանը, Երվանդ Փահլևանյանը, Սիրանուշ Չիբուխչյանը, Հայկ Բաղդասարյանը, Մանյա Այվազյանը, Գաբրիել Տեր-Կարապետյանը, Սամսոն Սաարդարյանը, դեմ են՝ ՆԽ անդամներ Հայկ Ավագյանն ու Վահան Լուլուկյանը։
Նշված է նաև, որ քվեարկությանն առայժմ չեն մասնակցել (զուտ տեխնիկական պատճառներով) Սևան Կալլոշյանը, Աիդա Վարդանյանը, Արսեն Պողոսյանը, Վրեժ Զատիկյանը և Կարո Եղնուկյանը (բանտում է)։
Արդյոք բանտում գտնվող Կարո Եղնուկյանը կմասնակցե՞ր քվեարկությանը և թե ի՞նչ կարծիք ունի այս համագործակցության վերաբերյալ՝ հաշվի առնելով այն, որ Կարո Եղնուկյանը, առհասարակ, բոյկոտում է ընտրական գործընթացները Հայաստանում և դեմ է ընտրությունների միջոցով փոփոխություններին: «Առաջին լրատվական»-ը փորձեց ճշտել նրա կնոջից՝ Ռուզաննա Եղնուկյանից: Ի պատասխան նա նշեց, որ տեղյակ չէ, թե ինչ է մտածում այս համագործակցության վերաբերյալ ամուսինը. «Եթե կարող եք դուք հարցրեք իրենից»,- նշեց նա: ԱԻՄ-ական Ռուզաննա Եղնուկյանը տեղեկացրեց, որ ինքը ներկա չի եղել և առհասարակ չի մասնակցելու ընտրություններին: