Սմարթֆոնների խոշորագույն չինական արտադրող Huawei-ը ծրագրում է ստեղծել սկզբունքորեն նոր սարք՝ արհեստական ինտելեկտի տեխնոլոգիայի կիրառմամբ։ Այս մասին հայտնում է «Սինհուա» գործակալությունը՝ հղում անելով կորպորացիայի կոմերցիոն ստորաբաժանման ղեկավար Ռիչարդ Յույին։
Նրա խոսքով՝ այդ սարքերը կդառնան ինքնատիպ «կամուրջ» թվային աշխարհի և մեզ շրջապատող իրականության միջև։
Դրանք կմշակեն և կճանաչեն մեզ շրջապատող իրականության դինամիկ պատկերները՝ առաջնորդվելով իրական ժամանակում որոշումների ընդունման ներկառուցված համակարգով։ Սենսորային էկրանից բացի, ծրագրվում է այն հանդերձել օդաճնշող և համային ցուցիչներով։
2015 թվականին Huawei-ը դարձել է աշխարհում սմարթֆոնների երրորդ առաջատար արտադրողը՝ ամերիկյան Apple-ից և հարավկորեական Samsung-ից հետո։
