Չաթը, IP ձայնային կապն ու Skype տեսակապը կդառնան Windows-ի անքակտելի մաս՝ սկսած օպերացիոն համակարգի 8.1 տարբերակից, որը կթողարկվի հոկտեմբերի կեսերին:
Վերլուծաբանները չեն բացառում, որ ի վնաս մրցակիցների՝ սեփական ծառայության ակտիվ առաջխաղացումը կարող է կրկին առաջացնել հակամենաշնորհային մարմինների հետաքրքրությունը Microsoft-ի հանդեպ: Այս մասին հայտնում է ZDNet-ը:
Նորարարությունը վերաբերում է ոչ միայն Windows 8.1-ին, այլև Windows RT-ին:
Ընկերությունում նշել են, որ այդ քայլը հակամենաշնորհային մարմինների հավակնությունները չի հարուցի: Skype-ը հնարավոր կլինի հեշտությամբ հեռացնել և փոխարինել այլ ծառայություններով:
