Ֆրանսիայի ֆինանսների նախարար Պիեռ Մոսկովիչին հայտարարել է, որ երկրի տնտեսությունը դուրս է եկել ռեցեսիայից:
Նա չի հստակեցրել, թե որքանով է ավելացել ՀՆԱ ցուցանիշը այս տարվա երկրորդ եռամսյակի արդյունքներով: Նախորդ երկու եռամսյակներին տնտեսությունը 0.2 տոկոսի անկում էր գրանցել:
Երկրի տնտեսության ծավալները փոխելու մասին պաշտոնական տվյալները կհրապարակվեն օգոստոսի 14-ին: Այս մասին հայտնում է RBK-ն:
Նշենք, որ նախարարը վատացրել է տնտեսական կանխատեսումը ողջ 2013 թվականի համար: Այժմ սպասվում է, որ Ֆրանսիայի ՀՆԱ փոփոխությունը կազմի -0.1 տոկոսից + 0.1 տոկոս:
Ավելի վաղ ԱՄՀ-ն հայտարարել էր, որ Ֆրանսիայում տնտեսական բարեփոխումներն իրականացվում են բավականին անարդյունավետ կերպով՝ երկարաժամկետ անկումը կանգնեցնելու և մինչ հաջորդ տասնամյակ գործազրկության բարձր մակարդակը կրճատելու համար:
