ԱՄՆ նախագահ Բարաք Օբաման Սպիտակ տանը կայացած մամլո ասուլիսում հայտնել է, որ իշխանությունները կհրապարակեն հատուկ ծառայությունների աշխատանքի մասին այնքան տեղեկատվություն, որքան հնարավոր է հասարակության անհանգստությունը վերացնելու համար:
«Մենք կարող ենք և պետք է ավելի թափանցիկ լինենք: Այդ իսկ պատճառով ես հանձնարարել են հետախուզությանը՝ հրապարակել այդ ծրագրերի մասին այնքան տեղեկատվություն, որքան հնարավոր է: Մենք արդեն աննախադեպ քանակի տվյալներ ենք գաղտնազերծել Ազգային անվտանգության գործակալության մասին, բայց կարող ենք առաջ շարժվել»,- ասել է Օբաման:
Նրա խոսքով՝ ԱԱԳ-ում կհայտնվի պաշտոնատար անձ, որը պատասխանատու կլինի քաղաքացիական իրավունքների ու ազատությունների պահպանման հարցերի համար:
Խոսելով Պուտինի հետ հանդիպումը չեղյալ հայտարարելու որոշման մասին, Օբաման նշել է, որ այն հիմնվում է ոչ միայն Սնոուդենի շուրջ հակասությունների վրա: Նա խոստովանել է, որ տարաձայնությունները ԱՄՆ-ի ու Ռուսաստանի միջև եղել են նաև նախկինում: Նախագահի խոսքով՝ ներկայումս հավանաբար ճիշտ է դադար առնելն ու գնահաատելը, թե ուր է պատրաստվում գնալ Ռուսաստանը, և թե ինչն է բխում սեփական շահերից:
Օբամայի կարծիքով՝ Մոսկվայում վերածնվում են «սառը պատերազմի» կարծրատիպերը:
