ԱԺ խորհրդարանում շարունակում է քննարկվել Կառավարության կողմից ներկայացված «Հայաստանի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» նախագիծը:
ԱԺ «Ժառանգություն» կուսակցության Ռուբեն Հակոբյանը, դիմելով ԱԺ պաշտպանության, ազգային անվտանգության և ներքին գործերի մշտական հանձնաժողովի նախագահ Կորյուն Նահապետյանին, նշեց, որ ոչ ոք դեմ չէ 1000 դրամ վճարելու օրենքի տրամաբանությանը` պարզապես կա անվտահություն. «Այս հարցը ծագում է ձեր նախորդ պատասխաններից: Ասում եք` կոնկրետ կոռուպցիայի դեպք ցույց տվեք, իսկ ի՞նչի համար են համապատասխան կառույցները: Ժողովրդին սարքում եք գործ տվո՞ղ», – ասաց Ռուբեն Հակոբյանը:
«Որևէ մեկն այս դահլիճում այդքան միամտություն չունի, որ ասի` բանակում կոռուպցիա չկա, բայց դուք պնդում եք` բանակը բավականին կոռումպացված է, իսկ ես հակադարձում եմ` պետք է կոնկրետ փաստեր ունենանք»,- Ռուբեն Հակոբյանի հարցին պատասխանեց Կորյուն Նահապետյանը:
«Մեր ժողովուրդը գործ տվող ժողովուրդ չէ, պարոն Հակոբյան, բայց մեր հայրենակիցները քրեական գործերի վարույթների շրջանակներում ունեն նաև որոշակի պարտականություններ, եթե քրեական գործով ներգրավված են, օրինակ, որպես վկա, – նշեց Կորյուն Նահապետյանը: -Մենք չենք դարձնում ժողովրդին այդպիսին, ժողովուրդն ավելի վեհ առաքելություններ ունի ու դրանցից մեկն իր բանակին սատար լինելն է»:
Մանրամասները՝ տեսանյութում:
