Իրանի Իսլամական Հանրապետությունը հարևան երկրների հետ համագործակցության պայմաններում հանդես է գալիս տարածաշրջանում կայունության հաստատման օգտին, հայտարարել է Իրանի նախագահ Հասան Ռուհանին:
«Հարևան երկրների ու տարածաշրջանի երկրների հետ հարաբերությունների հաստատումը ծառացած է ապագա կառավարության օրակարգում: Մեր ձգտումներն ուղղված են տարածաշրջանում հանգստության ու կայունության հաստատմանը մեր բարեկամ ընկերների հետ համագործակցության պայմաններում»,- ասել է Ռուհանին:
Ընդ որում՝ նա հավելել է, որ նախօրեին երեք հարևան երկրների ներկայացուցիչների հետ (Հայաստան, Ադրբեջան, Թուրքիա) բանակցություններում քննարկվել են տարածաշրջանում իրավիճակի կարգավորման ու լարվածության նվազեցման հարցում Իրանի ակտիվ մասնակցությանն առնչվող հարցեր:
Ռուհանիի առաջին մամլո ասուլիսը երդմնակալությունից հետո տեղի է ունեցել Թեհրանի նախագահական նստավայրում, որտեղ ներկայում գտնվում է նախագահի աշխատանքային կաբինետը:
