Ամերիկյան Associated Press լրատվական գործակալության փոխանցմամբ՝ ԱՄՆ նախագահ Բարաք Օբաման խոստացել է անել ամեն բան իր իրավահաջորդ, հանրապետական Դոնալդ Թրամփի հաջողությունների համար։
Նա Սպիտակ տանը հայտարարել է. «Մենք բոլորս կողմ ենք նրա հաջողությանը՝ միավորելու համար երկիրը։ Թրամփին իշխանության հանձնումը պետք է իրականացվի խաղաղ ձևով»։
Նա ընդգծել է, որ իր վարչակարգին հրահանգել է այդ հարցում աշխատել այնքան լուրջ, որքան որ հնարավոր է։ ԱՄՆ նախագահը հաստատել է, որ միլիարդատիրոջը շնորհավորել է ընտրություններում հաղթանակ տանելու կապակցությամբ և նրան հրավիրել է Սպիտակ տուն։
Օբաման ընդգծել է, որ Դոնալդ Թրամփի հետ հանդիպելու է նոյեմբերի 10-ին։ ԱՄՆ նորընտիր նախագահի երդմնակալության արարողությունը նշանակված է 2017 թվականի հունվարի 20-ին։
