«Անկախ նրանից, թե Հայաստանի հետ ինչ հարաբերություններ կունենան, Ռուսաստանի և Ադրբեջանի ստրատեգիական շահ առաջանալ չի կարող, օկուպացիա կարող է լինել, ժամանակավոր «ամուսնություններ», դաշինքներ կարող են լինել, ինչպես եղել է, բայց Ադրբեջանի ԵՏՄ անդամակացությունն անգամ չի կարող հարցի լուծում լինել, որովհետև Ադրբեջանը թյուրքական պետություն է՝ իր մայր պետության հետ: Ռուսաստանը Ադրբեջանին երբեք դաշնակից չի ասում, » «партнер» է ասում: Այս մասին «Առաջին լրատվական»- ի հետ զրույցում ասաց քաղաքագետ Լևոն Շիրինյանը:
«Այս պայմաններում կորցնել հայ ժողովրդին՝ Սփյուռքով հանդերձ, իրեն հակառակորդ ունենալ հայկական լոբբիստական կառույցները, և կորցնել Հայաստանը, դա Ռուսաստանի համար կլինի չափազանց մեծ շռայլություն: Նա ինչ է անում. աշխատում է մեր բարեկամությունը պահել, մեզ ոչինչ չտալու պայմանով»,- ընդգծեց քաղաքագետը:
Հիմա Հայաստանը պետք է երկու հարց լուծի. Ռուսաստանից պետք է ավելին պահանջի՝ մեր շահերի փոխհամատեղման գործընթացն ակտիվացնելու և հավասարակշռությունը պահպանելու համար, որը 1920թ-ից հետո խախտվել է: Բացի դրանից՝ պետք է վերջնականորեն հրաժարվի առաջարկվող բանաձևից, մանավանդ որ համանախագահները փակուղում են:
Ըստ քաղաքագետի՝ առկա է Ռուսաստանի դիրքորոշման զսպվածության փաստը: «Ըստ երևույթին Ռուսաստանում ահավոր վտանգ են զգում Հայաստանում ընթացող գործընթացներից՝ ներքին քաղաքական և արտաքին: Եվ հավանաբար խնդրել են, որ Հայաստանում կարգի գան և որոշ պատկերներ փոխեն»: Քաղաքագետի կարծիքով՝ Թալիշի վերաբնակեցումը ևս դրանով է պայմանավորված:
Մանրամասները՝ տեսանյութում:
