Շաբաթ օրը տիեզերագնացության պատմության մեջ առաջին անգամ Հռոմի պապը կշփվի տիեզերագնացների հետ, որոնք աշխատում են երկրագնդից հարյուրավոր կիլոմետրերի հեռավորության վրա:
Վատիկանի մամուլի ծառայության ներկայացուցիչն ասել է, որ Բենեդիկտոս 16-րդը կշփվի Միջազգային տիեզերական կայանում գտնվող տիեզերագնացների հետ: Այս միջոցառումը նախատեսված էր մայիսի 4-ին, սակայն քանի որ Endeavor մաքոքի թռիչքի ժամկետները հետաձգվեցին, Բենեդիկտոս 16-րդի «զանգը» նույնպես հետաձգվեց մինչև մայիսի 21-ը:
Հռոմի պապն օրհնելու է տիեզերագնացներին լատիներենով, սակայն կշփվի անգլերենով: Միջազգային տիեզերական կայանում գտնվող իտալացի երկու տիեզերագնացները` Ռոբերտո Վիտորին և Պաուլո Նեսպոլին, պատիվ կունենան Հռոմի պապի հետ շփվել իտալերենով:
