Ռուսական RIA Novosti լրատվական գործակալության փոխանցմամբ՝ ԱՄՆ պետքարտուղար Ջոն Քերին հայտարարել է, որ ԱՄՆ-ը ՀՀՊ համակարգ է տեղակայում Հարավային Կորեայում՝ ի պատասխան ԿԺԴՀ-ի գործողության։
Նրա խոսքերով՝ ԱՄՆ-ը հնարավորինս արագ THAAD համակարգ կտեղակայի Հարավային Կորեայում։ Քերին ընդգծել է, որ ԱՄՆ-ը կանի ամեն անհրաժեշտ բան, որպեսզի պաշտպանի իրեն և հարգի անվտանգության ոլորտում իր պարտավորությունները, որոնց ստանձնել է դաշնակիցների, այդ թվում նաև Հարավային Կորեայի առջև։
Պետքարտուղարը հավելել է, որ բոլոր երկրները պետք է պատասխանատվություն կրեն ԿԺԴՀ-ի դեմ ՄԱԿ-ի ԱԽ-ի սահմանած պաատժամիջոցների իրագործման հարցում համագործակցության համար։ Սեպտեմբերին հաղորդվել էր, որ Հարավային Կորեան THAAD ՀՀՊ համակարգ կտեղակայի գոլֆի համար դաշտերում։
